Амбасада на Република Северна Македонија во Германија

Најнови вести

Гостување на женскиот хор Св. Злата Мегленска во Kелн и Диселдорф

На 17 и 18 септември 2022г. женскиот хор Св. Злата Мегленска гостуваше во Келн и во Диселдорф и имаше свој настап во црквата  St. Pantaleon во Келн и во црквата  Pfarrkirche St. Gertrud во Диселдорф.

 

Гостувањето беше во организација на Почесниот Козулат на РСМ во Диселдорф, во соработка со Амбасадата на РСМ во Берлин, а проектот беше финансиски поддржан од Министерството за култура на Република Северна Македонија.

 

Настапите ги проследија нашите иселеници кои живеат и работат во Северна Рајна Вестфалија, како и вршителот на работите во Амбасадата на Република Северна Македонија во Берлин, Драган Петковски.

Османи - Хофрајтер

Министерот за надворешни работи Бујар Османи  денес, во Скопје, одржа средба со пратеникот и претседавач на Комитетот за Европската Унија во германскиот Бундестаг, Антон Хофрајтер. Двајцата соговорници констатираа дека Германија е клучен политички партнер на Северна Македонија, кој и натаму ќе не поддржува во реформските напори кои ги преземаат институциите во нашата држава со цел брз напредок при пристапните преговори со Европската Унија. Хофрајтер ја повтори заложбата дека Германија ќе продолжи и во иднина со сиот свој политички и институционален капацитет да ја поддржува Северна Македонија на патот кон полноправно членство во ЕУ

Политичко - безбедносните прашања и економските предизвици со кои се соочува европскиот континент поради руската инвазија врз Украина, исто така беа предмет на разговор меѓу двајцата соговорници, кои ја истакнаа важноста од заеднички одговор за зачувување на европската и светската  безбедност и отпорност.    

Од 11 јуни привремено укинати сите ограничувања за влез во Германија

 

Од 11 јуни 2022 година, привремено се укинати сите ограничувања за влез во Германија во врска со COVID-19,  за сите држави, вклучително и Република Северна Македонија.

Со тоа, повторно е дозволен неограничен влез за македонски државјани од Северна Македонија во Германија за сите цели на патување (вклучувајќи туризам и патувања за посета). Доказ за вакцинација, доказ за прележаност или доказ за негативен тест повеќе не е потребен за влез во Германија.

 

https://skopje.diplo.de/mk-mk/service/visa-einreise/-/2443252

https://www.auswaertiges-amt.de/en/coronavirus/2317268

https://www.bmi.bund.de/SharedDocs/faqs/EN/topics/civil-protection/coronavirus/coronavirus-faqs.html

Туристички дестинации

Манастир Јован Бигорски

Шарена Џамија, Тетово

Залив на Коските, Охрид